+998 77 265 52 57

Shaxsiy maʼlumotlar

Maxfiylik siyosati

Biz faqat buyurtmani bajarish va siz bilan bogʻlanish uchun zarur boʻlgan eng kam maʼlumotni yigʻamiz. Siyosat Oʻzbekiston Respublikasining “Shaxsga doir maʼlumotlar toʻgʻrisida”gi Qonuniga (OʻRQ-547) asoslanadi.

Qanday maʼlumot yigʻiladi

  • Ism va telefon raqami — buyurtma yoki soʻrov yuborganingizda.
  • Buyurtma tafsilotlari: model (DG kodi), rang, oʻlcham, soni.
  • Telegram botda: Telegram ID va foydalanuvchi nomi (bot ishlashi uchun).
  • Texnik maʼlumot: IP manzil jurnallarda qisqartirilgan holda saqlanadi (oxirgi qismi oʻchiriladi); suiiste’moldan himoya uchun toʻliq IP faqat bir necha daqiqa xotirada turadi.

Maqsad va asos

  • Buyurtmani rasmiylashtirish, tasdiqlash va bajarish (shartnoma).
  • Rozilik buyurtma shaklidagi belgi orqali isbotlanadigan shaklda olinadi (OʻRQ-547, 21-modda). Siz rozilik bergan holatlarda: yangi modellar haqida xabar, savatcha eslatmasi, reklama oʻlchovlari.
  • Firibgarlik va spamdan himoya, qonun talablarini bajarish.

Cookie va reklama oʻlchovlari

  • Zarur cookie fayllar saytning ishlashi uchun kerak.
  • Analitika va reklama (Meta Pixel, Google Analytics) faqat siz bannerda “Roziman” ni bossangiz yoqiladi. Roziligingizni istalgan vaqtda qaytarib olishingiz mumkin.

Saqlash muddati

  • Buyurtma va hisob hujjatlari — qonunda belgilangan muddat davomida.
  • Buyurtmaga aylanmagan soʻrovlar — 12 oygacha, keyin oʻchiriladi yoki anonimlashtiriladi (maqsadga erishilgach saqlanmaydi — OʻRQ-547, 10-modda).
  • Xavfsizlik jurnallari — 180 kungacha.

Kimga beriladi

  • Maʼlumotlaringiz sotilmaydi.
  • Faqat xizmatni bajarish uchun zarur hollarda: Telegram (bot orqali yozishganingizda), toʻlov tizimlari (toʻlov qilganingizda), rozilik bilan — reklama platformalari, hamda qonunda nazarda tutilgan hollarda vakolatli organlar.

Sizning huquqlaringiz

  • Maʼlumotlaringiz haqida bilish, ularni tuzatish, oʻchirishni talab qilish va rozilikni qaytarib olish.
  • Soʻrov uchun quyidagi kontaktlarga yozing — OʻRQ-547 Qonunning 22, 23 va 30-moddalarida belgilangan tartib va muddatlarda javob beramiz; notoʻgʻri maʼlumot uch kun ichida tuzatiladi (11-modda).

Operator va saqlash joyi

  • Operator — sahifa pastidagi «Sotuvchi haqida maʼlumot» blokida koʻrsatilgan sotuvchi.
  • Sayt va maʼlumotlar bazasi hozirda Yevropa Ittifoqidagi (Germaniya) serverda joylashgan. Biometrik va genetik maʼlumotlar yigʻilmaydi. Transchegaraviy uzatish OʻRQ-547 Qonunning 15 va 27¹-moddalari talablariga muvofiq amalga oshiriladi; serverni Oʻzbekistonga koʻchirish rejalashtirilgan.

Himoya

  • HTTPS shifrlash, administratorlar uchun ikki bosqichli kirish, zaxira nusxalar shifrlangan holda saqlanadi.
  • Karta maʼlumotlari (raqam, CVV, SMS kod) hech qachon soʻralmaydi va saqlanmaydi.

Maʼlumotlar boʻyicha murojaat: +998 77 265 52 57 · Aloqa

Yangilangan: 2026-10-14